കൊച്ചി ബെംഗളൂരു വന്ദേഭാരത് എക്സ്പ്രസിന്റെ ആദ്യയാത്രയിൽ സ്കൂൾ വിദ്യാർഥികളെക്കൊണ്ട് ആർഎസ്എസ് ഗണഗീതം പാടിപ്പിച്ചത് അങ്ങേയറ്റം അപലപനീയമാണ്.
ദേശഭക്തിഗാനം എന്ന പേരിൽ തെറ്റിദ്ധരിപ്പിച്ചാണ് കുട്ടികളെക്കൊണ്ട് ഗണഗീതം പാടിപ്പിച്ചത്. ആർഎസ്എസിന്റെ അജണ്ടകൾ പ്രചരിപ്പിക്കാനുള്ള ഈ ഗാനം, ദേശഭക്തിഗാനമെന്ന വ്യാജേന പലയിടങ്ങളിൽ കുട്ടികളിലേക്ക് എത്തിക്കുവാൻ ശ്രമിക്കുന്നുണ്ട്. മതേതര കേരളം ഇത് അനുവദിക്കുകയില്ല.
കേന്ദ്രസർക്കാർ നിയന്ത്രണത്തിലുള്ള സ്ഥാപനങ്ങളിലും ഇടങ്ങളിലും ബോധപൂർവ്വം നടത്തുന്ന ആർഎസ്എസ് വൽക്കരണത്തിന്റെ ഭാഗമാണ് ഇതും. ആർഎസ്എസിന്റെ ഗണഗീതം പൊതുഗതാഗത സംവിധാനത്തനുള്ളിൽ കുട്ടികളെ കൊണ്ട് പാടിപ്പിച്ചതിൽ റെയിൽവെ അന്വേഷണം നടത്തി നിയമ നടപടികൾ കൈക്കൊള്ളണമെന്ന് സിപിഐ എറണാകുളം ജില്ലാ സെക്രട്ടറി എൻ അരുൺ ആവശ്യപ്പെട്ടു.
