“സിപിഐ ‘ചതിയൻ ചന്തു’ ആണെന്ന നിലപാടിനോട് യോജിപ്പില്ല; വെള്ളാപ്പള്ളിയെ തള്ളി എം.വി. ഗോവിന്ദൻ”

സിപിഐ – സിപിഐഎം ബന്ധം ശക്തമാണെന്ന് സിപിഐഎം സംസ്ഥാന സെക്രട്ടറി

സിപിഐയെ ‘ചതിയൻ ചന്തു’ എന്ന് വിശേഷിപ്പിച്ച വെള്ളാപ്പള്ളി നടേശന്റെ പരാമർശത്തോട് സിപിഐഎം യോജിക്കുന്നില്ലെന്ന് സംസ്ഥാന സെക്രട്ടറി എം.വി. ഗോവിന്ദൻ വ്യക്തമാക്കി.
സിപിഐയും സിപിഐഎമ്മും തമ്മിൽ നല്ല ബന്ധമാണുള്ളതെന്നും, മതനിരപേക്ഷ നിലപാടുകളോട് സിപിഐഎമ്മിന് യോജിപ്പുണ്ടെന്നും അദ്ദേഹം പറഞ്ഞു.
മതനിരപേക്ഷ നിലപാടിൽ നിന്നു വ്യതിചലിച്ച് എന്തെങ്കിലും പറയുന്നുണ്ടെങ്കിൽ അതിന്റെ ഉത്തരവാദിത്തം സിപിഐഎമ്മിനില്ലെന്നും ഗോവിന്ദൻ കൂട്ടിച്ചേർത്തു.