സിപിഐയുടെ 25-ാമത് പാർട്ടി കോൺഗ്രസ് സമാപിച്ചു. ഡി. രാജയെ വീണ്ടും ജനറൽ സെക്രട്ടറിയായി സമ്മേളനം തിരഞ്ഞെടുത്തു.2019-ൽ ആരോഗ്യപരമായ കാരണങ്ങളാൽ സുധാകർ റെഡ്ഡി സ്ഥാനമൊഴിഞ്ഞപ്പോഴാണ് ഡി. രാജ ആദ്യമായി ജനറൽ സെക്രട്ടറിയായി തെരഞ്ഞെടുക്കപ്പെട്ടത്
പുതിയ നേതൃനിരയെയും പാർട്ടി കോൺഗ്രസ് തിരഞ്ഞെടുത്തു.
125 അംഗ ദേശീയ കൗൺസിലിനാണ് രൂപം നൽകിയിട്ടുള്ളത്.
11 അംഗ സെക്രട്ടേറിയറ്റിനെയും, 11 അംഗ കണ്ട്രോൾ കമ്മീഷനെയും, 31 അംഗ കേന്ദ്ര എക്സിക്യൂട്ടീവിനെയും തിരഞ്ഞെടുത്തു.
ദേശീയ കൗൺസിലിൽ കേരളത്തിൽ നിന്ന് 12 പേർപുതിയ ദേശീയ കൗൺസിലിൽ കേരളത്തിൽ നിന്ന് 12 പേർക്ക് പ്രാതിനിധ്യം ലഭിച്ചു. ബിനോയി വിശ്വം, കെ.പി. രാജേന്ദ്രൻ, പി.പി. സുനീർ, കെ. രാജൻ, പി. പ്രസാദ്, ജെ. ചിഞ്ചുറാണി, ചിറ്റയം ഗോപകുമാർ, ജി.ആർ. അനിൽ, രാജാജി മാത്യു, പി. വസന്തം, ഗോവിന്ദൻ വള്ളിക്കാപ്പിൽ, ടി.ജെ. ആഞ്ചലോസ് എന്നിവരാണ് കൗൺസിലിൽ ഉൾപ്പെട്ടത്. ടി.ടി. ജിസ്മോനെ കാൻഡിഡേറ്റ് അംഗമായും തിരഞ്ഞെടുത്തു.
