ന്യൂഡൽഹി: ഇന്ത്യയിലുടനീളമുള്ള 32 വിമാനത്താവളങ്ങളിൽ എല്ലാ സിവിൽ ഫ്ലൈറ്റ് പ്രവർത്തനങ്ങളും താൽക്കാലികമായി നിർത്തിവെച്ചതായി എയർപോർട്ട് അതോറിറ്റി ഓഫ് ഇന്ത്യ (എഎഐ) അറിയിച്ചു. 2025 മേയ് 9 മുതൽ മേയ് 14 വരെ ഈ വിമാനത്താവളങ്ങൾ പ്രവർത്തനരഹിതമായിരിക്കും.അധാംപൂർ, അംബാല, അമൃത്സർ, അവന്തിപൂർ, ബതിന്ദ, ഭുജ്, ബിക്കാനീർ, ചണ്ഡീഗഡ്, ഹൽവാര, ഹിൻഡോൺ, ജയ്സാൽമീർ, ജമ്മു, ജാംനഗർ, ജോധ്‌പൂർ, കാണ്ട്ല, കാംഗ്ര (ഗഗ്ഗൽ), കെശോദ്, കിഷൻഗഡ്, കുളു മണാലി (ഭുന്തർ), ലേ, ലുധിയാന, മുന്ദ്ര, രാത്രിയാർ, പത്താൻകോട്ട്, പട്യാല, പോർബന്ദർ, രാജ്കോട്ട് (ഹിരാസർ), സർസാവ, ഷിംല, ശ്രീനഗർ, തോയിസ്, ഉത്തർലായ് എന്നിവയാണ് അടച്ചിട്ട വിമാനത്താവളങ്ങൾ.ഇന്ത്യ – പാക് സംഘർഷത്തിന്റെ പശ്ചാത്തലത്തിൽ സുരക്ഷാ മുന്നറിയിപ്പുകളുടെ അടിസ്ഥാനത്തിലാണ് എഎഐയുടെ തീരുമാനം. ജമ്മു, പഞ്ചാബ്, രാജസ്ഥാൻ മേഖലയിലായി പാകിസ്ഥാനിൽ നിന്നുള്ള ഡ്രോൺ, മിസൈൽ ആക്രമണങ്ങൾ തുടരുന്ന സാഹചര്യത്തിൽ, രാജ്യത്തിന്റെ വ്യോമയാന സുരക്ഷാ ക്രമീകരണങ്ങൾ ശക്തമാക്കിയതിന്റെ ഭാഗമായാണ് ഈ നടപടി.അടച്ച വിമാനത്താവളങ്ങളിൽ നിന്നുള്ള സർവീസുകൾ റദ്ദാക്കിയതായി എയർലൈൻ കമ്പനികൾ അറിയിച്ചു. യാത്രാ ടിക്കറ്റുകൾക്ക് പൂർണ റീഫണ്ടോ യാത്രാ പുനഃക്രമീകരണത്തിനുള്ള സൗകര്യങ്ങളോ എയർലൈൻ കമ്പനികൾ ഏർപ്പെടുത്തിയിട്ടുണ്ട്
പ്രധാന വിവരങ്ങൾ:
32 വിമാനത്താവളങ്ങളിൽ സർവീസുകൾ മേയ് 9 മുതൽ 14 വരെ നിർത്തിവെച്ചു
ഇന്ത്യ-പാക് സംഘർഷത്തിന്റെ പശ്ചാത്തലത്തിൽ സുരക്ഷാ നടപടികൾ ശക്തമാക്കിടിക്കറ്റ് റീഫണ്ടിനോ യാത്ര പുനഃക്രമീകരണത്തിനോ യാത്രക്കാർക്ക് സൗകര്യം