സൗജന്യ ഹൃദരോഗ നിർണയ ക്യാമ്പ്

മുവാറ്റുപുഴ: ഇന്ത്യൻ റെഡ് ക്രോസ്സ് സൊസൈറ്റി മുവാറ്റുപുഴ താലൂക്ക് ബ്രാഞ്ചിന്റെയും മുവാറ്റുപുഴ നിർമല മെഡിക്കൽ സെന്ററിന്റെയും സംയുക്തഭിമുഖ്യത്തിൽ നിർമല മെഡിക്കൽ സെന്ററിൽ വച്ച് സൗജന്യ ഹൃദരോഗ നിർണയ ക്യാമ്പ് നടത്തി.റെഡ് ക്രോസ്സ് സൊസൈറ്റി താലൂക്ക് ചെയർമാൻ ശ്രീ ജോർജ് എബ്രഹാമിന്റെ അധ്യക്ഷതയിൽ ചേർന്ന യോഗത്തിൽ ബഹു. ഇടുക്കി എം പി അഡ്വ. ഡീൻ കുര്യാക്കോസ് ക്യാമ്പ് ഉൽഘാടനം ചെയ്തു. ക്യാമ്പിൽ മുൻകൂട്ടി രജിസ്റ്റർ ചെയ്ത 110 പേർ പങ്കെടുത്തു. ക്യാമ്പിൽ പങ്കെടുത്തവർക്ക് സൗജന്യ കൺസൽറ്റേഷൻ, രക്‌തപരിശോധന, ഇ സി ജി എന്നിവയും കൂടുതൽ പരിശോധനക്ക് സൗജന്യ നിരക്കും അനുവദിച്ചിരുന്നു യോഗത്തിൽ ഹോസ്പിറ്റൽ അഡ്മിനിസ്ട്രേറ്റർ റെവ. സിസ്റ്റർ ജെസ്സി ജോസ് സ്വാഗതം ആശംസിച്ചു.റെഡ് ക്രോസ്സ് എക്സിക്യൂട്ടീവ് കമ്മിറ്റി അംഗം റെവ. സിസ്റ്റർ ജോവിയറ്റ് ആശംസയും റെഡ് ക്രോസ്സ് താലൂക് സെക്രട്ടറി ശ്രീ. പി ജെ മത്തായി നന്ദിയും പറഞ്ഞു. വൈസ് ചെയർമാൻ ശ്രീ എൽദോ ബാബു, താലൂക്ക് ട്രഷറർ ശ്രീ ചാർളി ജെയിംസ്, എക്സിക്യൂട്ടീവ് അംഗങ്ങളായ ശ്രീ രാജേഷ് അലക്സ്‌, ശ്രീ ജിനു ആന്റണി മടേക്കൽ അഡ്വ. ഇ കെ ജോസ്, ശ്രീ ജേക്കബ് തോമസ്, ശ്രീ ബിനേഷ് എം സി ശ്രീ ജെയിംസ് മാത്യു ശ്രീ ഫ്രഡ്‌ഡി കെ ആർ, ശ്രീ അബിൻസ് അലിയാർ എന്നിവർ നേതൃത്വം നൽകി.